UNSUR UNSUR CERKAK

Cerkak cekakan saka carita cekak. Nanging cerkak dudu crita sing dicekak. Cerkak bisa komplit lan mbulet. Ing Bahasa Indonesia istilahe diarani cerpen. Cerkak salah sijine karya sastra jawa kang prasaja. Wujude gancaran (prosa) dene cerkak sing becik iki duwe titikan mangkene:

1.    Ngemot teges makna  utawa manfaat

2.    Kenthel utawa mentes/padhet

3.    Proses nulis becike figuratif

4.    Tataran sabanjure eskalatif

Titikane cerkak

1.      Ceritane cekak lumrahe kurang saka 10.000 tembung

2.      Diwaca sakeplasan (sekali duduk)

3.      Perkara kang dicritakake mung siji

4.      Cacahe paraga mung sithik

5.      Tokoh kang diceritakake ora nganti owah nasibe

6.      Sipate reka-reka/fiktif

7.      Cerkak Asifat naratif (manut urutan wektu)

Ing cerkak  ana perangan kang disebut unsur ekstrinsik lan unsur instrinsik. Unsur ekstrinsik yaiku unsur ing sajabaning carita cerkak, nanging isih mangaribawani dumadine cerkak mau. Unsur ekstrinsik antarane factor ideologi, politik, ekonomi, sosial budaya, agama, tata nilai kang ana ing satengahig masyarakat. Dene Unsur instrinsik yaiku unsur kang bakal dienggo pathokan gawe crita cekak, kayata tema, tokoh lan penokohan, latar, alur, sudut pandang lan amanat.

Nah ana ing wulangan iki samengko bakal nggladhi para siswa supaya bisa nemokake tema, tokoh, latar lan alur kang ana ing cerkak. Nanging luwih becik nyinau unsur intrinsik, antarane:

1.    Tokoh-penokohan

       Tokoh utawa paraga yaiku bleger,wewujudan, sosok utawa individu rerekan (kang        direka) kang bakal dicaritakake ana ing cerita cekak.

            a.    Tokoh/paraga protagonist, paraga utama

            b.    Tokoh/paraga antagonis, paraga kang lelawanan karo paraga utama

            c.    Tokoh/paraga tritagonis, paraga ing antarane protagonis lan antagonis.

       Penokohan utawa watak yaiku, panggawene wewatekane tokoh, lan crita                                  gegambaraning watak ing carita cekak.

             Penokohan, yaiku carane pengarang nggambarake lan njlentrehake karakter tokoh ana ing       crita. Ana 2 teknik kanggo nggambarake karakter salah sawijining tokoh.

                  1.      Teknik analitik, yaiku karakter/watak tokoh kang dijlentrehake kanthi langsung                                 dening pengarang.

                  2.     Teknik dramatic

                     karakter/watak tokoh kang dijlentrehake kanthi penggambaran:

                             a)   Bab fisik lan tindak tanduke tokoh

                             b)   Lingkungan kauripan tokoh

                                 c)   Tata basane tokoh

                                 d)   Dalan pikirane tokoh

                                 e)   Dening tokoh liyane

2.    Latar

       Yaiku unsur sajerone cerita cekak kang nuduhake ing ngendi, kepriye, lan kapan carita           mau kedadean. Latar ana cacah telu, yaiku:

                  a.     latar papan, yaiku latar kang dadi papan panggonan nalika kedadeyan ana ing                          crita iku dicritakake.

                        Tuladha: ing plataran omahe Agus seneng tenguk-tenguk nyawang kahanan…….

                  b.    latar wektu, yaiku wektu nalika kadadeyan ana ing crita iku dicritakake.

                        Tuladha: Dina iki, 27 Desember 2009, ing wengi kutha Jakarta tansah rame. Amerga                                            bengi iki final AFF…….

            c.     latar swasana utawa latar sosial kang nuduhake ciri-ciri panguripane masyarakat.                      Latar iku gegayutan karo swasana carita, tuladhane yen carita dumadi ing tahun      rong ewunan ora bakal jenenge paraga Juminem, Juminten, lan                      sapanunggalane. Latar sosial ana gayutane karo status sosial paraga.

                        Tuladhane: Nalika kebo bule wis cedhak saka papan panggonanku nonton kirab                                        pusaka    siji Sura, kahanan tansah anteng, kras sepi, ora ana mobah                                                 mosoking angin……

3.    Alur

Alur yaiku unsur kang awujud rerangken kedadean kang nuduhake anane tlonjong utawa arah marang saweneh perkara kang biasane gegayutan karo wektu.

            a.     Alur progresif, utawa alur lurus.

            b.    Alur flash back, kilas batik.

Ing carita cekak biasane migunakake campuran ing antarane loro mau.

      Lakon crita kaperang dadi bageyan-bageyan:

                  1)      Pengenalan bab situasi utawa kahanan crita (exposition)

                      Ing bab iki, pengarang ngenalake para tokoh, nata adegan lan hubungan tokoh-                         tokohe.

                  2)      Panjlentrehe kedadeyan (complication)

                      Ing bab iki, kedadeyan wiwitan kang dadi sumbering masalah kanggo para                               tokohe.

                  3)      Nuju ana ing konflik, (rising action)

                     Ing bab iki, masalahe tokoh kang dialami saya tambah.

                  4)      Pucuking masalah (turning point)

                  Klimak crita. Ing baba iki nasib tokohe ditemtokake (kasil orane ngadepi masalah)

                  5)      Rerampungan (ending)

                      Nasib-nasibe kang dialami para tokohe wis cetha uga bisa diarani rampung.

4.    Sudut Pandang (Pamawas pangripta)

            Sudut pandang yaiku posisi pengarang ing satengahe kedadean ing carita cekak.

            a.    Sudut pandang wong kapisan, yaiku pengarang miebu ing carita minangka paraga

            b.   Sudut pandang wong katelu, yaiku carita kang pengarange ing sanjabane carita                          lan mung dadi pengamat kedadean ing carita Ian ngerti sakabehe kedadean kang                      dumadi.

5.    Tema

            Tema yaiku ide, gagasan, pokok pikiran, kang mujudake punjering carita kang kudu            diugemi pengarang supaya caritane ora nglantur.

6.    Amanat

            Amanat yaiku pesan moral kang bakal diwenehake pengarang marang kang padha                    maca  liwat carita cerkake.

      7.    Gaya basa

                    Basa sing digunakake pangripta ing sajroning carita. Utawa cara khas kang dienggo          pangripta kanggo medharake pikiran lan rasa atine. Cara kang khas mau bisa dingerteni           liwat ukara utawa tetembungan kang dienggo. Mula gaya basa iku nuwuhake rasa lan             reaksi pamaca marang pikiran kang diandharake dening pengarang. Gaya basa ing                   jagad   kasusastran Jawa bisa awujud basa rinengga, pepindhan, bebasan lan majas.

               Basa kang ana ing crita kang nduweni kagunan kanggo nyiptakake nada utawa               kahanan persuasif uga ngrumusake dialog kang bisa ngetokake hubungan lan interaksi             tokkoh siji  lan sijine.

Sing kudu digatekake nalika maca cerkak:

1. Wicara/Kualitas Vokal yaiku ala becike aksara suwara/dhang-dhinge basa, pocapan/lafal (a, å, i, o, è, é, ê, ta, tha, da, dha) Pamacane geguritan, pocapan kdu cetha, ora kena groyok, pelo utawa rangu-rangu, kejaba kuwi pamacane cerkak kudu bisa ngucapake aksara kanthi bener, umpamane mbedakake aksara (a, å, i, o, è, é, ê, ta, tha, da, dha)

2.   Wirama/Tata cara/Etika maca cerkak yaiku lagu/iramane, maca cerkak, bisa minangka pandudut (daya tarik) kanggone sing ngrungokake. Banter alone wiramane becik kalarasake karo isine cerkak.

3.   Wirasa/Greged/ penjiwaan /Pemahaman.  Wirasane nalika maca kudu kaetrepken karo isining cerkak umpamane : nesu, gumbira, sedhih, sereng, wibawa, getun, lan sapanunggalane.

4.    Wiraga/Ekspresi/mimik yaiku cocog/jumbuhing solah bawa obahing badan, polatan, rasa. Obahing badan lan polatan (mimik) kudu luwes (ora kaku), prasaja lan ora katon lamun digawe-gawe.

Gawe Sinopsis Cerkak

    Synopsis yaiku ringkesan sawijining crita. Ringkesan yaiku salah sawijining wujud nyekakake sawijing cerita kanthi tetep migateake unsure-unsur intrinsic sawijing crita iku.

    Gawe synopsis iku cara kang efektif kanggo ngaturake sawijining crita kang dawa sajroning wujud cekak. Sajronin g synopsis kaendahan gaya bahasa, ilustrasi lan penjelasan-penjelasan diilangake, nanging tetep gumathok marang isi lan gagasan umum pangripta.

     Sinopsis biasane dibatesi dening  cacahing rai. Dawane synopsis biasane seperlima utawa utawa sepersepuluh saka dawane karangan asline.

      Carane gawe synopsis :

1.    Maca naskah asli kanggo nggolek gagasa umume peulis

2.     Nyatet gagasan utama kang penting

3.    Ngrantam maneh gagasan utam dadi paragraph

4.    Dialog lan  monolog cukup ditulis isi utawa garis utamane

5.    Synopsis ora kena owah saka lakune crita asli

           

Pandadaran

Wacan 1

Marno mono umure lagi ngancik pat belas taun, sekolahe isih ana klas siji SMP Negri ing sakcedhake desane. Dheweke kuwi putrane Pak Dhukuh Paren ya Pak Saiman, priyayi sing kondhang sugih, becik atine, lan pinter momong rakyat ing padhukuhane. Eman, dene anake lanang sing mung semata wayang iku beda banget watake karo wong tuwane. Dhasar anake wong  sugih mula  sapenjaluke tansah keturutan. Yen Pak Saiman karo sing putri mono, ora seneng nguja bocah, panyuwune putrane dituruti janji penting lan migunani tumrap sekolahe.

1.         Kang dudu wewatakane Pak Saiman manut cuplikan cerkak ing dhuwur yaiku ....

a.      Becik atine

b.      Pinter momong rakyat

c.      Nguja anake lanang

d.      Nuruti panjaluke anak sauger migunanikanggo sekolahe

e.      Ora seneng nguja anake lanang

2.       Pira putrane Pak Saiman manut pethikan cerkak ing ndhuwur?

a.      Siji

b.      Loro

c.      Telu

d.      Papat

e.      Akeh

       Wacan 2

      “Punika ngaten. Kala wau wonten ing jembatan penyeberangan ngajeng menika,             piyambakipun dipunwastani nyopet arta. Dening tiyang-tiyang kathah lajeng             dipungebugi ngantos kados ngaten. Keleresan kula sumerep, lajeng kula bekta             wonten kantor polisi  mriki kaliyan ngrantos ambulans”, ngendikane sawijining bapak             polisi   njlentrehake.

3.      Wong sing digebugi mau jalarane ….

a.     Nyolong dhuwit

b.     Nyopet dhuwit                           

c.      Kecopetan dhuwit

d.     Didakwa nyopet dhuwit

e.     Arep nyopet dhuwit

4.      Pethikan crita ing ndhuwur  njupuk pandunungan .....

a.     Ratan

b.     Jembatan penyeberangan

c.      Mobil  ambulans

d.     Kantor pos

e.     Kantor Polisi

5.      Intisarine  cuplikan cerkak ing dhuwur yaiku .....

a.     Masarakat padha kulina  main hakim

b.     Copet kudu dibrastha

c.      Yen ana ing jembatan penyeberangan kudu ngati-ati

d.     Polisi kudu bisa nangkep copet

e.     Polisi kudu paring pengayoman marang sapa wae

6.      Amanat kang kinandhut ing cerkak kena kanggo …

a.     Tontonan lan tuntunan

b.      Nambahi sesanggane (beban) urip

c.      Kaca benggala(tuntunan) uripe manungsa     

d.     Mangerteni jati dhiri manungsa

e.     Mangerteni jati dhiri bangsa

7.       Kang kalebu crita fiksi gancaran kaya ing ngisor iki, kajaba .....

a.     Cerkak

b.     Cerbung

c.      Geguritan

d.     Roman

e.     Novel

8.      Wohing kasusastran Jawa kang nyaritakake lakune paraga ing saperangan urip kang nabet (berkesan) lan biasane ora luwih saka 5000 tembung diarani …..

a.     Novel                                                

b.     Cerkak                                                   

c.      Cerbung

d.     Cergam

e.     Roman

9.      Tokoh ing cerita kang watak wantune becik, tansah mbiyantu  paragatama  diarani tokoh…..

a.     Antagonis  

b.     Tritagonis                 

c.      Deuteragonis 

d.     Figuran

e.     Protagonis

10.   Carita kang nyritakake saka klimaks banjur konflik nganti entek-entekan purnaning crita iku nggunakake alur.....

a.  Maju                               

b.  Mundur               

c.   Progresif

d.  Flasback

e.  Regresif

11.   Urutaning crita saka wiwitan nganti pungkasan diarani …….

a.     Latar

b.     Pamawas

c.      Busananing basa                       

d.     Underaning crita                            

e.      Alur                         

12.   Papan lan wektu dumadine crita ing cerkak diarani ……….

a.     Latar

b.     Pamawas

c.      Busananing basa

d.     Konflik      

e.     Alur

13.   Sajrone praktek maca cerkak, ana bab kang kudu digatekake ing antarane wirasa, tegese ….....

a.     Ngucapake tembung kanthi cetha

b.     Bisa nyuwarakake saben tokoh kanthi becik

c.      Solah bawa trep karo naskah cerkak

d.     Bisa mbedakake lan milahake siji-sijine tokoh lan swasana ing cerkak

e.     Bisa nyuwarakake banter alone swarane minangka pandudut (daya tarik)

14.   Ing ngisor iki titikane cerkak, kajaba …...

a.     Asipat naratif

b.     Nyritakake sawijining tokoh

c.      Asipat fiktif

d.     Asipat argumentative

e.     Tokoh kang dicritakake ora nganti owah saka nasibe

15.   Nanging esuke, mruput banget. Sriyanto wis tekan omahe Hartini. Kagawa rasa kuwatir kelangan priya papan ugeraning ati.

Pratelan cerkak kasebut nuduhake perangan ……..

a.     Latar

b.     Pamawas

c.      Busananing basa

d.     Konflik      

e.     Alur

16.   Tindak-tanduke Tini ana owah-owahane. Dheweke wis ora nggunakake dhuwite kanggo jajan utawa dolanan. Dhuwit sangu sekolah utawa dhuwit sing ditampa saka wong tuwane, age-age dilebokake celengan.

Miturut pratelan ing ndhuwur watake Tini iku …..

a.     Gemi                               

b.     Ngebreh             

c.      Boros

d.     Medhit     

e.     Cethil

       Wacan 3

“Dinten Kartini menika rak kangge ngurmati Raden Ajeng Kartini, awit piyambakipun  sampun maringi tuladha ingkang kedah dipuntindakaken putri Indonesia. Wanita Indonesia menika kedah sekolah lan sinau supados  saged sababag kalih para priyanipun. Kamangka kebaya menika rak satunggaling simbol kekiranganipun wanita, kados ingkang dipunngendikakaken Ki dhalang,   bilih wanita menika asring kesrimpet tapih kabotan pinjung.” Jlentrehe Palupi.  

        (Kapethik saking cariyos cekak: Antarane Kartini lan Palupi)

17.   Pethikan carita ing nduwur kasebut nuduhake perangan …..

a.     Amanat lan irah-irahan         

b.     Tema lan setting         

c.      Tema lan watak

d.      Setting lan paraga   

e.     Pamawas lan paraga

18.   Wose crita (wacan 3) kasebut yaiku ..........

a.     Palupi sarujuk menawa mengeti dina Kartini

b.     Palupi ora sarujuk karo pengetan dina Kartini

c.      Palupi sarujuk menawa pengetan dina Kartini bocah putri padha nganggo kebaya lan jaritan

d.     Palupi ora sarujuk manawa pengetan dina Kartini bocah putri padha nganggo kebaya lan jaritan

e.     Palupi sarujuk menawa ora mengeti dina Kartini

19.   Kepriye manut panemune Palupi ngenani kebaya iku?

a.     Kebaya pinangka simbol kaluwihane wanita

b.     Kebaya pinangka simbol kasulistyaning wanita

c.       Wanita kang nganggo kebaya tambah ayu lan luwes

d.     Kebaya pinangka simbole mengeti dina Kartini

e.     Kebaya pinangka simbol kekurangane wanita

       Wacana 4

Diajari korupsi

                      Sawijining dina, Glendhoh mertamu ing omahe Klithuk, kanca lawas jaman isih sekolah SMA mbiyen. Pawakane Klithuk isih ajeg kuru kaya ndek jaman mbiyen. Glendhoh dhewe saiki lemu ginuk-ginuk, tandane wus nemoni sukses ing gaweane.

       Glendhoh   : Piye kabarmu Thuk?

       Klithuk        : Ya isih ngena-ngene wae Ndhoh. Kaya sing mbok sawang iki.

       Glendhoh   : Lha piye ta? Mbok leh mu nyambut gawe sing tenanan, ben isoh entuk dhuwit akeh.

       Klithuk        : Jan-jano nyambut gaweku ya wus tenanan. Nanging tetep wae, uripku ajeg ngene. Ora tau cukup. Bojoku ya sambate ngayawara saben dinane.

       Glendhoh   : Jaman saiki manawa nyambut gawe becik, kuwi ora mungkin bisa nyukupi butuhe omah.

       Klithuk        : Piye karepmu? Aku durung mudheng.

       Glendhoh   : Ngene. Tak kandani ya? Contone aku wae. Gaweanku iki gawean cilik-cilikan ing kantor. Nanging piye carane supaya aku bisa entuk dhuwit saliyane blanjanku saben sasi. Mula kuwi, uripku sakulawarga sarwa kecukupan.

     Klithuk        : Lha piye carane? Mbok aku diajari supaya uripku ya mundhak apik tinimbang saiki. Aku njagakake blanjan sasen saka bos-ku ya ora sepiraa.

     Glendhoh   : Carane gampang banget. Korupsi. Njajala korupsi, sithik sithik wae. Sing cilikan wae supaya ora konangan.

     Klithuk           : Korupsi?? Tenanan kuwi?

     Glendhoh   : Lha iya! Kaya sing ing tipi-tipi kae lho. Wong-wong dhuwuran padha korupsi tur gedhen kabeh. Nek aku, cilikan wae sing penting bisa kanggo nutup butuhe omah. Ayo, kowe mesthi ya bisa. Elingana anak-bojomu sing saben dina mangane kurang-kurang.

     Klithuk        : Mengko dhisik Ndhoh. Sajane aku ya mathuk karo usulmu kuwi. Nanging kayane aku iki ora bakal bisa korupsi ing gaweanku.

     Glendhoh   : Lha ngapa? Pengawasane ketat po?

     Klithuk        : Ora babagan kuwi. Aku iki kerjane melu wong, jasa sedot tinja. Lha sing ameh tak korupsi kuwi apa?? Saben dina mubeng nguplek-uplek tinja.

     Glendhoh   : ??????!!!!!

20.   Paraga kang saiki wis dadi lemu ginuk-ginuk ing crita Diajari korupsi yaiku …

a.     Klithuk                                         

b.     Bawana

c.      Eri                                                  

d.     Hayu

e.     Glendhoh

21.   Wos surasane crita Diajari korupsi iku yaiku …..

a.    Klithuk uripe rekasa                                                  

b.    Klithuk uripe kepenak  

c.    Glendhoh ngajari korupsi                                         

d.    Klithuk ngajari korupsi  

e.    Glendhoh uripe rekasa

22.   Apa sesambungan antarane Klithuk lan Glendhoh ing critab Diajari korupsi iku?

a.    Sedulur                                                          

b.    Kanca lawas SMA

c.    Wong tuwane isih sedulur                          

d.    Tangga desa  

e.    Kanca kantor

          Wacana  5

MAKMUR NING AJUR

……………………………………………………………………………………………………………………..”  mengko mbengi Mami arep kulak dagangan menyang Bandung, Pap. Dadi Papi sing kudu njaga kiose. Eman-eman angger tutup, mengko rejeki atusan ewu ilang. Pokoke Papi kudu bisa ijin,” Omonge bojone tambah rosa, tur madan kesuh.

                      Sugeng ora semaur. Gagean motore destater terus diplayokna metu saka ngomah menyang sekolahan. Ora nganti seprapat jam wis gutul. Montor diparkir, Sugeng mlebu kantor terus njagong. Garapane sing wes tumpuk undung ora disenggol acan merga pikirane putek kemutan polahe bojone sing tambah wani goli ngatur wong lanang.

                      Jane Sugeng ya jengkel. Umpamane ora melas, bojone arep dikampleng supayane dadi kawus. Ning yen dipikir malah nambahi geger thok lan isin karo tanggane.  Mulane Sugeng trima meneng bae. Sing aneh, Yanti gemiyen lagi isih mlarat ngundange Mas marang Sugeng. Saiki bareng sugih ngundange Papi. Diundang Bu ora gelem karepe Mami.

23.   Saka pethikan cerkak nang dhuwur wateke Yanti yakuwe…..

a.    Sabar lan narima

b.    Ngabekti maring wong lanang

c.    Jujur lan ngati-ati

d.    Wani lan seneng ngatur bojone

e.    Seneng ngapusi

24.   Uripe Yanti yen diumpamakna nganggo paribasan yakuwe….....

a.  Ana catur mungkur

b.  Sing sapa nandur bakal ngunduh

c.   Becik ketitk ala ketara

d.  Jalukan ora wewehan

e.  Kere munggah bale

25.   Ing ngisor iki sing dudu unsur intrinsik cerkak yaiku …

a.    Paraga crita

b.    Pendhidhikan pengarang

c.    Busananing Basa

d.    Piwulang / pesen

e.    Pamawas Pangripta

26.    ”Ngadeg neng tlampik omah pancen dadi kesenenganku saben sore. Namatake sesawangan nalika srengenge meh angslup. Manuk-manuk padha mulih neng susuhe, mabur renteng-renteng neng langit sing wiwit mbrabak abang ndadekake sesawangan katon endah. Sanajan sesawangan dikebaki karo gedhong-gedhong dhuwur nantang langit …

       Latar perangan crita ing dhuwur yaiku …

a.     Wayah sore ing tlampik omah

b.     Wayah surup ing tlampik omah

c.      Wayah sore ing njero omah

d.     Wayah surup ing njero omah

e.     Wayah bengi ing tlampik omah

27.   ”Wingi aku krungu kabar yen Pak Wiryo digawa anake menyang Batam. Anake sing nate taktawani gaweyan biyen, wis lulus kuliah. Cumclaude ! Dheweke dijaluk sawijining perusahaan Singapura ing Batam. Aku kelingan marang apa sing nate diomongne Pak Wiryo: ”Yen nyawane kula tesih kanthil raga mas, kula dereng kalah ….”

Pamawas Pangripta perangan crita ing dhuwur yaiku …

a.     Wong kapisan dadi paraga utama

b.     Wong kapisan dadi paraga sampingan

c.      Wong kapisan dadi paraga katelu

d.     Wong kapisan dadi paraga kapindho

e.     Wong kapindho dadi paraga utama

28.   Dene watake Pak Wiryo yaiku …

a.     Gampang kalah

b.     Tekade kuwat

c.      Sabar ing pandum

d.     Sombong

e.     Angkuh

29.   Piwulang sing bisa kapethik saka perangan crita ing dhuwur yaiku ..

a.     Wong ngalah luhur wekasane

b.     Wong ngalah bakale ngundhuh

c.      Wong ngalah bakale kasiya-siya

d.     Wong salah bakale seleh

e.     Aja adigang, adigung, adiguna

30.   ”Aku pancen wanita reged, Mas. Dadi ora pantes yen kanggo sampeyan. Nanging saiki aku wis mertobat. Aku bakal ninggalake panguripanku sing lawas. Mula yen sampeyan isih bisa nampa aku, aku matur nuwun. Dene yen ora, aku mung pingin ketemu Eko lan Dewi. Sawise iku aku bakal lunga sing adoh,” ujare kanthi memelas.

       Unsur kang kinandhut ana cerkak ing dhuwur sing paling kuwat yaiku …

a.      Paraga

b.      Amanat

c.      Watak

d.      Tema

e.      Latar

31.   ”Malah aku dikongkon ndang rabi maneh,”bacute. Coba sampeyan deleng apa Bapak iki isih pantes rabi maneh, ta, Nak?” Aku mung bisa mesem. Bapak tuwa kuwi banjur meneng suwe kaya-kaya lagi mikirake nasibe.

       Nilai sastra perangan cerkak ing dhuwur yaiku …

a.     Moral

b.     Etika

c.      Estetika

d.     Ekonomi

e.     Budaya

32.   ”Udan wiwit esuk mau nggrejeh. Hawane adhem senajan ora njekut, nanging wis nyebabake wong wegah metu kejaba wong kerja kantoran utawa PNS, klebu sing pancen duwe kabutuhan ndheseg pilih njintel neng ngomah. Nyetel tv, mangan enak lan liyane maneh sing sarwa enak.

       Latar wektu perangan crita ing dhuwur yaiku …

a.     Mangsa rendheng

b.     Mangsa pancaroba

c.      Mangsa banjir

d.     Mangsa panas

e.     Mangsa ketiga

          Wacana 6

                 Lagi enak-enak nonton acara TV , Hpku muni ngganter. HP tak angkat, aku ndhisiki ngontak kana,” Halo apa iki bengkel mobil Kurnia? Swara wanita saka sabrang kana. “Iya, iki sapa?” Pitakonku. ”Aku …Ninik mas, Ninik Indriani. Mas Gun , aku njaluk tulung mas, mobilku    mogok ning cedhak lapangan desa Karang Endah.” “Iya-iya, sabar sedhela, aku tak mangkat mrana.” Karo mlayokake pikepku, nganti ora tak rasa pikepku mbandhang satus kilometer per jam, merga dalane lurus tur  wis rada sepi merga bengi. Bareng wis meh tekan cedhak lapangan desa Karang Endah, saka kadohan kena sorot lampu jauh pikepku, katon ana toyota kijang superkap ijo lumut mandheg neng suketan pinggir aspalan.

33.   Sudhut pandhang perangan crita ing ndhuwur yaiku......

a.    Pawongan kapisan dadi paraga kapindho

b.    Pawongan katelu tunggal

c.    Wong kapisan dadi paraga utama

d.    Wong kapisan dadi paraga sampingan

e.    Wong kapisan dadi pawongan katelu

34.   Latar perangan crita ing nduwur yaiku…...

a.    Wayah sore ing omah

b.    Wayah awan ing bengkel

c.    Wayah awan ing cedhak lapangan

d.    Wayah bengi ing cedhak lapangan

e.    Wayah isuk ing cedhak lapangan

35.   Dene alur crita cerkak ing nduwur, nganggo alur….

a.    Campuran

b.    Flasback

c.    Maju                               

d.    Mundur               

e.    Progresif

36.   Kenengapa ninik kok nelpon mas Gun….

a.    Amarga wedi dewekan

b.    Amarga sepi

c.    Amarga lagi kenal Mas Gun

d.    Amarga mobile mogok

e.    Amarga arep ijolan mobil

          Wacana 7

                 “Bola-bali olehku kandha. Kowe kudu nyinau paramasastra jawa ta Nduk..!“ Paramasastra kuwi perlu, ora mung urip sing nganggo tatanan karangan ya duwe tatanan. Ukara ya duwe tatanan. Dadine wujud banjur bisa tumata. Paramasastra kuwi perlu”.  “Sampun Eyang, sampun nate dalem sinau..”

       “Disinau njur ditrapake pisan ora kok mung angger diwaca sabrebetan”

       “Dadosipun mesthi sae inggih Yang ?

       “Upamane uwong dadi wong sing ngerti unggah-ungguh kae.”

37.   Piwulang kang bisa kapethik saka perangan crita ing ndhuwur yaiku…..

a.    Bocah kudhu sregep sinau

b.    Bocah kudhu duwe tatanan

c.    Bocah kudhu manut simbahe

d.    Bocah kudhu gelem sinau paramasastra

e.    Bocah kudhu gelem sinau basa jawa

38.   Dene watake eyang kepriye…..?

a.    Wong kang seneng nesu

b.    Wong kang iseh ngugemi parama sastra lan unggah ungguh basa

c.    Wong kang seneng nggatekake putu

d.     Wong kang sepuh

e.    Wong kang sregep sinau

39.   Antok ndhepipis ing bangku pojok mburi. ”Aku wis kapok nglakoni iki. Suwe-suwe mesthi bakale konangan. Aku wedi yen ditokake saka sekolah iki. Aku ora arep njaluki dhuwite bocah kelas X maneh.”

       Nilai sastra perangan crita ing dhuwur yaiku….

a.    Moral

b.    Etika

c.    Estetika

d.    Ekonomi

e.    Sosial

40.   “Lak ya wis ngrasakake larane kepriye ta,nok? Ya kuwi entuk-entukane yen bacah dikandani ora kena, malah nggugu karepe dhewe. Wis ,arep mbok kapakake motormu sing wis ajur kabeh kuwi!” Anik mung meneng, nanging sajroning atine getun.

       Pesen ing perangan cerita ing dhuwur yaiku…

a.    Seneng ugal-ugalan

b.    Wong nandhur bakal ngundhuh

c.    Alon-alon waton kelakon

d.    Mikul dhuwur mendhem jero

e.     Aja grusa-grusu

          Wacana 8

Muga-Muga Diparingi Eling

          Dadi wong tuwa sing nduwe anak kelas VI SD, kelas IX SMP utawa kelas XII SMA padha mumet ,mikir kepriye carane nyekolahke anake menyang sekolahan sing dikepingini anake. Manawa kari mlebu sekolah jane ya neng endi-endi wahe bisa, nanging kadhang ora cocok karo kekarepane. “Bapak! Mangke kula mlebet SMP Karang Pucung mawon, nggih!“ omonge Novi sing lagi lulus SD 14 Gontawangi. “ Iya-iya….” Bapak mbombong-mbombongi. “Bapak, kula milih mlebu SMA 2 Purwokerto mawon nggih, soale sekolahanipun terkenal favorit,” guneme Gatot marang bapake. ”Ngrembuk bab napa, Kang? pitakone bapake Darmin…” Ngrembuk bab sekolah….”omonge Bapake Gatot.

 “Lah keleresan niku,…. Critane kula niki ajeng nyuwun tulung kalih bapake Gatot.” “Tulung apa, si?”

“Anak kula, Darmin kepengin mlebet ing SMA 103 Purwojati, nanging bijine niku mung pas-pasan. Rata-rata ujian gur gangsal…. Duka niku , Niku mawon sampun lumayan saged lulus!”

“Kuwi udu bisa lulus! Dilulusake….! Mesakake….”

“Lah niku , kajenge kula niku ajeng nyuwun tulung kalih Bapake Gatot, njenengankan kenal kalih guru-guru SMA 103 Purwojati ngriku. Mulane tulunglah anak kula ben saged ketampi teng ngriku, soal amplop … beres!

“ Oalah….oalah dudu perkara amplop sing marai beres….. sing mesti Darmin kon luru sekolahan alternatif. SMA 103 Purwojati gudhange wong pinter-pinter…mengko yen Darmin keponthal-ponthal malah stress angel olehe nambani.”

“ Apa amplop kula tambah? Setuju? Kula ngertos beres….!”.

”Kang…! Anggepe njenengan aku iku apa sih? Tak omongi, mesakake Darmin… yen arep nyogok sakmono akehe langsung wae karo kepala sekolahe! Syukur yen kepala sekolahe sipate padha karo njenengan, seneng dhuwit amplop sogok suap, lha yen kepala sekolahe kuwi wonge terpuji? Morale bener? Sida-sida njenengan didamprat mentah-mentahan!”

          Sidane bapake Darmin bali ngluntung ora oleh gawe. Embuh kepriye akhire, kuwi urusane Bapake Darmin ….Muga-muga ben diparingi eling !

(Kapethik saka Jaka Lodhang, dening mas Guru)

41.   Pachelathon ing nduwur nyeritakake bab apa?

a.    SMA 103 Purwojati

b.    SMA 2 Purwokerto      

c.    Bapake Darmin

d.    Golek sekolah               

e.    Bapake Gatot

42.   Kepriye watake Bapake Darmin?

a.    Tukang nyogok             

b.    Apikan

c.    Tukang nggunem          

d.    Sabar

e.    Tresna marang anake

43.   Piwulang sing bisa kapethik saka  “Muga-muga diparingi eling” yakuwi…..

a.    Dadi wong kudu seneng srawung

b.    Dadi wong kudu sregep

c.    Dadi wong kudu tresna marang anak

d.    Dadi wong ojo seneng golek sekolahan

e.    Dadi wong ojo seneng nyogok

44.   Sapa wae sing lagi guneman ana ing pachelathon kuwi?

a.    Novi, Darmin , Bapake Gatot.

b.    Novi, Gatot, Darmin.Bapake Darmin.

c.    Novi, Gatot, Darmin, Bapake Gatot.

d.    Novi, Gatot, bapake Gatot, bapake Darmin.

e.    Novi, Bapake Gatot, Darmin, Gatot

45.   Sapa sing bingung luru sekolahan?

a.    Novi

b.    Gatot

c.    Bapake Darmin

d.    Bapake Gatot

e.    Darmin

46.   “Ibuk, tindak dhateng toko badhe …....... menapa? Kok boten nimbali kula mawon, janipun kula ugi badhe …. ...Buku tulis kangge cathetan.”

Tembung kang bener kanggo ngisi ceceg-ceceg kasebut yaiku .... .....

a.    mundhut, mundhut                                                    

b.    mundhut, tuku

c.    tumbas, tumbas                                                          

d.    tumbas, mundhut

e.    mundhut, tumbas

47.    “Mas, kula dipundhawuhi Bapak, sampeyan dipundhawuhi ..…. rumiyin, sabab Bapak kala wau sampun …. wonten kantor.”

Tembung kang bener kanggo ngisi ceceg-ceceg kasebut yaiku ….

a.    dhahar, dhahar                                                           

b.    nedhi, dhahar

c.    maem, dhahar

d.    nedhi, nedhi                                                                 

e.    dhahar, maem

48.    “Bapak menawi tindak kantor...........sepeda, dene kula menawi...........sekolah cekap mlampah kemawon”.

Tembung kang bener kanggo ngisi ceceg-ceceg kasebut yaiku ….

a.    numpak – mangkat                               

b.    nggenjot - lunga

c.    nitih – bidhal

d.    nitih – tindak                                        

e.    numpak – bidhal

49.    “Mbah, sumangga panjenengan .......…. rumiyin, kula …......... ..mangke kemawon”.

Tembung-tembung kang trep kanggo njangkepi ukara nang dhuwur yaiku …..

a.    tindak-lunga                                

b.    lunga- bidhal        

c.    kesah-tindah                               

d.    tindak-bidhal

e.    bidhal-lunga

50.   Dina iki penjenengan arep tindak ngendi, Mas? Yen ora ana acara aku arep nyuwun tulung. Basa kang digunakake yaiku …

a.    Ngoko Alus

b.    Krama                                                                          

c.    Ngoko lugu

d.    Krama Alus                                                                 

e.     Krama Andhap